2025 жылғы 18 желтоқсанда “СҚО әкімдігінің ветеринария басқармасы” КММ “М. Жұмабаев ауданының ветеринариялық станциясы” ШЖҚ МКК мамандары және құқық қорғау органдарының өкілдерімен бірлесіп, үй жануарларына жауапкершілікпен қарау мәселелері бойынша ақпараттық-түсіндіру жұмыстарын жүргізді.

Аталған іс-шараның негізгі мақсаты — жануарларға жауапкершілікпен қарау саласындағы заңнама талаптарының сақталуын қамтамасыз ету, сондай-ақ үй жануарлары иелерінің жауапкершілік деңгейін арттыру.

Жануарлар иелеріне ақпараттық жадынамалар таратылып, үй жануарларын күтіп-бағу және серуендету қағидаларын сақтау, сондай-ақ иттер мен мысықтарды чиптеу мәселелері бойынша түсіндірме жұмыстары жүргізілді.