Жылқылардың сақау ауруы — жылқыларда кездесетін жедел жұқпалы ауру. Ауру дене қызуының көтерілуімен, мұрын-жұтқыншақтың шырышты қабықтарының қабынуымен, жақ асты лимфа түйіндерінің ұлғаюымен сипатталады.
Ауру өте жұқпалы (бірнеше тәулік ішінде табынның 50–70%-ына дейін ауру жұғуы мүмкін) және айтарлықтай экономикалық шығын келтіреді.
Инфекция қоздырғышының көзі — ауру немесе бұрын ауырып жазылған жылқылар.
Инкубациялық кезеңі — 3 күннен 14 күнге дейін.
Ауру әдетте төмендегі белгілермен басталады:
• дене қызуының күрт көтерілуі (39,5–41 °C дейін);
• әлсіздік, жем-шөптен бас тарту;
• мұрыннан мол мөлшерде кілегейлі-іріңді бөлінділердің ағуы;
• төменгі жақ астындағы ісінулер (лимфа түйіндерінің қабынуы).
Емі (жергілікті және жалпы) антибиотиктерді қолдану арқылы жүргізіледі.
Ауру жылқылар оқшауланады, жеке күтім тәртібі сақталып, толыққанды азықтандыру және мол суару қамтамасыз етіледі.
Жылқылар ұстайтын орындар, күтім заттары, әбзелдер мен астаулар мұқият дезинфекцияланады.
Алдын алу шаралары жануарлардың ағзасының төзімділігін арттыру (дұрыс әрі толыққанды азықтандыру), ветеринариялық-санитариялық талаптарды сақтау, жылқыларды ұтымды пайдалану, сондай-ақ қолайсыз шаруашылықтарда карантиндік шектеулер енгізу арқылы жүзеге асырылады.
Жануарлардың денсаулығын сақтаңыз және ветеринариялық қауіпсіздік талаптарын қатаң сақтаңыз!
Қаралым саны: 45
